Milli Məclisin Regional məsələlər komitəsinin iclası keçirilib. APA-nın məlumatına görə, iclasda 2011-ci il payız sessiyası dövründə komitədə görülən işlər barədə hesabat dinlənilib və 2012-ci il yaz sessiyası üçün iş planının layihəsinə baxılıb.

davamı...

“Bizdə həmişə “açıq qapı”dır. “Qaynar xətt” isə mənim mobil telefonumdur, həmişə açıqdır, nə vaxt zəng edirlər, düşürlər”, – bunu Sabirabad rayonunun Muğan Gəncəli, Cəngən, Çiçəkli, Salmanlı kəndlərinin bələdiyyə sədri Qabil Əliyev 2011-ci ildə dekabrın 19-dan 25-ə kimi keçirilən “Yerli demokratiya həftəsi”ndən danışarkən dedi. 

Ekspertlərə görə, yerli özünüidarə qurumları dövlət-hakimiyyət orqanlarından daha çox iş görə bilər

Azərbaycanda kənd və kəndli sanki unudulmuş təsiri bağışlayır. Kəndlərlə bağlı aparılan siyasəti təhlil etdikdə Azərbaycanın vətəndaşlarının yarıya qədərini kənd əhalisi təşkil edən bir ölkə olduğunu təsəvvür etmək belə çətinləşir. Kəndin inkişafı istiqamətində hər hansı xüsusi plan, fəaliyyət müşahidə edilmir. Bəs kənd inkişafı nədir? İnkişaf etmiş ölkələrdə bu necə baş verir? Nəhayət, yerli özünüidarə qurumlarının (bələdiyyələrin) bu prosesdə rolu nədən ibarət ola bilər?


davamı...

Bölgənin rayon mərkəzində belə, əhalinin 50-60 faizə qədəri suyu ya pulla alır, ya da “kaçalka” suyu içir

“Yağış yağanda sevinirik ki, Allaha şükür, heyvanımızı, toyuq-cücəmizi gölməçələrə yığılan su ilə bir müddət dolandıra biləcəyik. Özümüz isə içməli suyu kəndin ortasındakı qaynamadan götürürük. Mən yaşımın bu çağında gündə 5-6 dəfə kəndin aşağısından gəlib, burdan su götürürəm”. 65 yaşlı Əminə xalanın yaşadığı Arazbarı kəndi Ağcabədi rayonunun ən ucqar, həm də içməli su təminatı olmayan onlarla yaşayış məntəqələrindən biridir. İlk baxışdan adamın inanmağı gəlmir – doğrudanmı, Azərbaycan kəndlərində su çatışmazlığı problemi nəinki insanları, hətta heyvanları belə təmin edə bilməyəcək qədər ciddidir?

davamı...

Azərbaycan Dövlət Neft Şirkəti (ARDNŞ) şirkətə məxsus torpaqların bələdiyyələr tərəfindən qanunsuz olaraq vətəndaşlara ayrılması ilə bağlı 2007-ci ildən indiyədək bələdiyyələrə və onların fəaliyyətinə nəzarət edən qurumlara bir neçə dəfə müraciət edib.
davamı...

Ölkə parlamenti «Bələdiyyələrin statusu haqqında» qanuna dəyişikliklər etdi. Həmin dəyişikliyə uyğun olaraq daha 6 qanuna yenidən baxılaraq müəyyən əlavələr və dəyşikliklər edilib. Burada «Bələdiyyələrin statusu», «Bələdiyyələrin maliyyələşməsinin əsasları», «Bələdiyyə qulluğu», «Bələdiyyə torpaqlarının idarə edilməsi», «Bələdiyyələrin fəaliyyətinə inzibati nəzarət», «Bələdiyyələrin daimi və başqa komissiyaları haqqında əsasnamənin təsdiq edilməsi», «Bələdiyyənin nümunəvi nizamnaməsinin təsdiq edilməsi haqqında» qanunlar daxildir.

Ötən il dövlət başçısının sərəncamı əsasında ayrı-ayrı rayonlarda modul tipli sutəmizləyici qurğuların quraşdırılması üçün Prezidentin Ehtiyat Fondundan 1 milyon manatdan çox vəsait ayrılıb. Kənd məntəqələrində sutəmizləyici qurğuların qurulması Ekologiya və Təbii Sərvətlər Nazirliyinə tapşırılıb.