“Bələdiyyə mülkiyyətində olan torpaq sahəsi üçün reyestr çıxarışı almağa ehtiyac yoxdur”. Bu barədə Milli Məclisin Regional məsələlər komitəsinin iclasında Ədliyyə Nazirliyinin Bələdiyyələrlə İş Mərkəzinin rəisi Mehdi Səlimzadə deyib. M. Səlimzadə əvvəllər müvafiq çıxarışın tələb olunduğunu xatırladıb: “Lakin sonradan bizim mərkəz tərəfindən qanuna istinadən tövsiyə xarakterli məktub yazıldı ki, bu sənəd tələb olunmasın”.
davamı...

 “Hər şey bələdiyyələrin prinsipiallığından asılıdır. Bələdiyyələr istəyirlərsə heç kim onların işinə müdaxilə etməsin, səlahiyyətlərini mənimsəməsin, onda prinsipiallıq göstərməlidirlər”. “Media forum” saytının məlumatına görə, fevralın 7-də bələdiyyələrin fəaliyyəti ilə bağlı illik məruzənin müzakirəsində Milli Məclisin regional məsələlər komitəsinin sədri, hakim Yeni Azərbaycan Partiyası İdarə Heyətinin üzvü Arif Rəhimzadə belə deyib.

Bu yaxınlarda Ekologiya və Təbii Sərvətlər Nazirliyində sutəmizləyici qurğuların fəaliyyətinə dair keçirilən iclasda nazir Hüseyn Bağırov qurğuların yenidən nazirliyin balansına qaytarıla biləcəyini deyib. Onun sözlərinə görə, Ekologiya və Təbii Sərvətlər Nazirliyi sutəmizləyici qurğuları quraşdırdıqdan sonra onların idarə olunmasını yerli bələdiyyələrə həvalə edib: “Lakin nədənsə, qısa müddətdə bəzi qurğular - su kranları yararsız hala salınır. Bələdiyyələrin və sakinlərin ögey münasibəti bizi məcbur etdi ki, qurğuları öz balansımızda saxlamaq üçün Nazirlər Kabinetinə müraciət edək. Hökumətin qərarına əsasən, qurğulara nəzarəti həyata keçirmək üçün ştat ayrıldı. Amma onlar yenə də bu qurğulara ciddi nəzarət edə bilmir”.
davamı...

Buzovnada bələdiyyə üzvü I qrup əlil Sahib Xəlilovun torpaq sahəsinə yiyə çıxıb

Qanuni yolla torpaq sahəsi alan, lakin sahibi olduğu torpağın üzərində heç bir tikinti işi aparmayan vətəndaşların nəzərinə. Yenicə aldığınız torpaq sahəsi üzərində mülkiyyət hüquqlarını rəsmiləşdirən kimi dərhal tikintiyə başlayın. Ən azından ərazini hasara alın, pulunuz və imkanınız çatdığı qədər tikinti materialları alıb torpaq sahəsinə tökün. Əks halda, nəyisə gözləmək sizin ziyanınıza ola bilər. Hətta başqaları torpağınıza sahib çıxa, bələdiyyə, icra hakimiyyəti sahibi olduğunuz torpağı başqalarına sata bilər. Neçə ki, belə bir iş Buzovna qəsəbə sakini Sahib Xəlilovun başına gəlib.
davamı...

Aran Humanitar Regional İnkişaf İctimai Birliyi yanvarın 27-də Bərdə şəhərində “Fövqəladə Hallarda Su Standartları”nın normaları mövzusunda təlim keçirib. Təlimə Bərdə, Ağcabədi və Tərtər rayonlarından 23 bələdiyyə təmsilçisi qatılıb.

“Bələdiyyələrin qarşılaşdıqları əsas problemlər maliyyə vəsaitlərini toplaya bilməmələri ilə əlaqədardır. Məsələn, torpaq sahəsinin verilməsi ilə bağlı sənədlər təqdim edilmədiyi üçün bələdiyyələr mülkiyyətlərindəki torpaqlardan əmlak və torpaq vergisini toplaya bilmirlər”. APA-nın xəbərinə görə, bu sözləri Milli Məclisin Regional məsələlər komitəsinin iclasında Ədliyyə Nazirliyinin Bələdiyyələrlə İş Mərkəzinin rəisi Mehdi Səlimzadə deyib.

davamı...

Milli Məclisin Regional məsələlər komitəsinin iclası keçirilib. APA-nın məlumatına görə, iclasda 2011-ci il payız sessiyası dövründə komitədə görülən işlər barədə hesabat dinlənilib və 2012-ci il yaz sessiyası üçün iş planının layihəsinə baxılıb.

davamı...

“Bizdə həmişə “açıq qapı”dır. “Qaynar xətt” isə mənim mobil telefonumdur, həmişə açıqdır, nə vaxt zəng edirlər, düşürlər”, – bunu Sabirabad rayonunun Muğan Gəncəli, Cəngən, Çiçəkli, Salmanlı kəndlərinin bələdiyyə sədri Qabil Əliyev 2011-ci ildə dekabrın 19-dan 25-ə kimi keçirilən “Yerli demokratiya həftəsi”ndən danışarkən dedi. 

Ekspertlərə görə, yerli özünüidarə qurumları dövlət-hakimiyyət orqanlarından daha çox iş görə bilər

Azərbaycanda kənd və kəndli sanki unudulmuş təsiri bağışlayır. Kəndlərlə bağlı aparılan siyasəti təhlil etdikdə Azərbaycanın vətəndaşlarının yarıya qədərini kənd əhalisi təşkil edən bir ölkə olduğunu təsəvvür etmək belə çətinləşir. Kəndin inkişafı istiqamətində hər hansı xüsusi plan, fəaliyyət müşahidə edilmir. Bəs kənd inkişafı nədir? İnkişaf etmiş ölkələrdə bu necə baş verir? Nəhayət, yerli özünüidarə qurumlarının (bələdiyyələrin) bu prosesdə rolu nədən ibarət ola bilər?


davamı...