Press-reliz

Mülki Cəmiyyətə Doğru Mərkəzi “Bələdiyyə sədrinin seçilməsinin mövcud mexanizmi və onun təkmilləşdirilməsi istiqamətləri” mövzusunda siyasət sənədi işləyib hazırlayıb. Siyasət sənədi Azərbaycanda yerli özünüidarənin bələdiyyə sədri kimi mühüm icra orqanının formalaşdırılması mexanizmlərindən bəhs edir.

Sənəddə mövcud mexanizmin səmərəli idarəetmənin təşkilinə mane olması qeyd edilir və onun təkmilləşdirilməsi ilə bağlı müxtəlif alternativlər təklif edilir. Aparılmış tədqiqatın nəticəsi olaraq üç əsas alternativ təklif olunur:

1). Bələdiyyə sədrinin seçilməsi və vəzifədən kənarlaşdırılması qaydalarına dəyişikliklər etməklə mövcud mexanizmin saxlanılması; 2). Bələdiyyə seçkilərində ən çox səs toplamiş bələdiyyə üzvünün sədr vəzifəsini tutması, 3).

Bələdiyyə sədrinin birbaşa əhali tərəfindən seçilməsi. Alternativlər təklif olunmaqla yanaşı onların hər birinin üstünlükləri və çatışmazlıqları qeyd olunur.

Bütün alternativlər üzrə qiymətləndirmənin nəticələrinə əsasən sənəddə bələdiyyə sədrinin birbaşa əhali tərəfindən seçilməsi variantına üstünlük verilir və bununla bağlı hökumətə konkret təkliflər ünvanlanır.